Ermənistan Respublikası Ermənistan-Türkiyə quru sərhədinin Marqara-Əlican keçid məntəqəsinin Ermənistan hissəsinin təmiri və texniki yenidən qurulmasını başa çatdırıb.

Adalet.az xəbər verir ki, bunu Ermənistan XİN mətbuatın sorğusuna cavabında açıqlayıb.

Qeyd olunub ki, İrəvan iki ölkənin xüsusi nümayəndələri arasında əvvəllər əldə edilmiş və təsdiq edilmiş razılığa əsasən münasibətləri həll etmək üçün bu sərhəd məntəqəsini üçüncü ölkə vətəndaşları və diplomatik pasportu olan şəxslər üçün xidmət etməyə hazırdır və Türkiyədən də bunu gözləyir.

Xatırladaq ki, Ermənistan-Türkiyə münasibətlərinin normallaşması prosesinin xüsusi nümayəndələrinin beşinci görüşü zamanı Axurik/Akyaka dəmir yolunda sərhəd-keçid məntəqəsinin işə salınmasına imkan verəcək texniki ehtiyacların qiymətləndirilməsi barədə razılıq əldə olunub.