adalet.az header logo
  • Bakı 14°C
  • USD 1.7
10 Avqust 2022 15:12
360
HADİSƏ

Əsgərin yanından qayıdan ailə qəzaya düşdü: ölən var

Yevlax rayonunda avtomobillər toqquşub, ölən və xəsarət alanlar var.

Adalet.az Report-a istinadən xəbər verir ki, hadisə Yevlax-Bərdə avtomobil yolunun rayon ərazisindən keçən hissəsində qeydə alınıb.

Belə ki, VAZ-2106 markalı avtomobillə digər minik avtomobilin toqquşması nəticəsində sürücü - Tovuz rayon sakini, 1953-cü il təvəllüdlü Əmrah Mahmudov ölüb, bir ailənin 3 üzvü - Tovuz rayon sakinləri, 1976-cı il təvəllüdlü Yaşar Alıyev, onun qızı, 2002-ci il təvəllüdlü Aytac Alıyeva və 2010-cu il təvəllüdlü Amil Alıyev isə xəsarət alıb.

Yaralılar xəstəxanaya yerləşdiriliblər.