Rusiyanın Çelyabinsk vilayətində fərdi evdə baş verən yanğın nəticəsində 4 uşaq ölüb.

Adalet.az xəbər verir ki, bu barədə Rusiya Fövqəladə Hallar Nazirliyinin regional idarəsi məlumat yayıb.

Yanğın Yuryuzan şəhəri yaxınlığındakı Vasilovka kəndində baş verib.

"Bölmələr gələn zaman fərdi yaşayış evi yanıb, alov qonşu evin də yardımçı tikililərinə və damına keçib. Hadisə nəticəsində dörd uşaq: 12 yaşlı qız və üç oğlan: 7 və 5 yaşlı (əkizlər) ölüb", - məlumatda deyilir.

Uşaqlar evdə tək olub. Fərdi yaşayış evində baş verən yanğın 6 ədəd texnika ilə 23 nəfər tərəfindən söndürülüb. Yanğın sahəsi 160 kvadratmetr olub.

Yanğın səbəbinin evin eyvanındakı elektrik naqillərində baş vermiş qısaqapanma olduğu bildirilir. 

“Yanğının gec aşkarlanması uşaqları xilas etmək şansı buraxmadı”, - deyə xilasedicilər vurğulayıblar.