Google, "G" imza simvolunda daha canlı qradienti əks etdirən yenilənmiş loqotipi təqdim edib.

Adalet.az xəbər verir ki, bu, on il ərzində ilk böyük loqo dəyişikliyidir.

Yeni dizayn may ayında Android və iOS-da Google proqramlarında görünməyə başlasa da, lakin indi tədricən şirkətin bütün xidmətlərinə yayılacaq.

2015-ci ildə təqdim edilən "G" loqotipində dörd rəng - qırmızı, sarı, yaşıl və mavi ayrı-ayrılıqda əks olunub. Yenilənmiş versiya bu rəngləri vahid gradientdə birləşdirir, rənglərin özləri daha canlı olur. Google bildirib ki, yeniləmə “şirkətin süni intellekt dövründəki təkamülünü” əks etdirir.

Yenilənmiş "G" loqosu ilə yanaşı, şirkət yeni üsluba uyğunlaşmaq üçün Google Home ikonasını da yenidən dizayn edib.

Google, yeni dizaynın tam təqdimatının yaxın aylarda baş tutacağını açıqlayıb.