Göyçay-Ucar avtomobil yolunda ağır qəza baş verib.

Bu barədə Adalet.az-a DİN-in mətbuat xidmətinin Şəki regional qrupundan bildirilib.

Məlumata görə,  hadisə Göyçay rayonunun Müskürlü kəndi ərazisində qeydə alınıb. Belə ki, “Kia” markalı avtomobilin sürücüsü, 1990-cı il təvəllüdlü Xəqani Bağırovun idarəetməni itirməsi nəticəsində nəqliyyat vasitəsi yoldan çıxaraq aşıb.

Müxtəlif bədən xəsarətləri alan sürücü, eləcə də iki sərnişini, 1991-ci il təvəllüdlü Asif Gülməmmədov və Elçin Əsgərov hadisə yerində ölüb, digər bir sərnişin isə xəsarət alıb.

Faktla bağlı cinayət işi başlanıb.