Şəxsi ambisiyaları konspirasiya ilə qarışdıran və siyasət pərdəsi altında təqdim edən bu zehniyyəti rədd edirik. Millətimizə xidmət yolunda qətiyyətlə çalışmaqda davam edəcəyik.

Adalet.az xəbər verir ki, bu sözləri Türkiyə xarici işlər naziri Hakan Fidan Prezident Rəcəb Tayyib Ərdoğan barəsində “xunta yönətimi” ifadəsi işlədən müxalif Cümhuriyyət Xalq Partiyasının (CHP) sədri Özgür Özələ cavabında bildirib.

"Artıq həddinizi bilin! Cənab Ərdoğanımız millətimizdən aldığı dəstəklə illərdir Türkiyəyə xidmət edib, hər cür qəyyumluğa qarşı mübarizə aparıb. Biz millətimizdən başqa heç kimdən əmr almamışıq, xalqımızdan başqa heç kimdən icazə istəməmişik”, - deyə XİN rəhbəri bildirib.