İcra Hakimiyyəti sabiq başçıdan 3 milyon manat tələb edir

Lənkəran Ağır Cinayətlər Məhkəməsində Cəlilabad Rayon İcra Hakimiyyətinin sabiq başçısı Namiq Zeynalovun cinayət işi üzrə məhkəmə prosesi davam etdirilib.
Adalet.az-ın məlumatına görə, hakim Xamməd Nuriyevin sədrliyi ilə keçirilən prosesdə müdafiə çıxışı edən Namiq Zeynalovun vəkilləri dövlət ittihamçısının tələblərinə etiraz ediblər.
Vəkillər məhkəmədən bəraət hökmü çıxarılmasını xahiş ediblər.
İş üzrə zərərçəkmiş qismində tanınmış Cəlilabad Rayon İcra Hakimiyyəti 3 milyon manat, DOST İş Mərkəzi isə 50 min manat mülki iddia qaldırıb. Müdafiə tərəfi zərərçəkmiş qurumların tələblərinin əsassız olduğunu deyiblər.
Namiq Zeynalov son söz üçün vaxt istəyib.
Proses iyulun 4-nə kimi təxirə salınıb.
Xatırladaq ki, Namiq Zeynalov Dövlət Təhlükəsizliyi Xidməti (DTX) tərəfindən keçirilən xüsusi əməliyyatla həbs olunub. O, Cinayət Məcəlləsinin 179.2.2 (Mənimsəmə və ya israf etmə təkrar törədildikdə) 179.2.3 (şəxs tərəfindən öz qulluq mövqeyindən istifadə etməklə törədildikdə); 179.2.4 (xeyli miqdarda ziyan vurmaqla törədildikdə), 308.2 (vəzifə səlahiyyətlərindən sui-istifadə), 311.3.3 (külli miqdarda rüşvət alma), 311.3.2 (təkrar rüşvət alma), 313-cü (vəzifə saxtakarlığı) maddələri ilə ittiham olunur.
Digər Xəbərlər

Qərbi Azərbaycanda cinayət törətmiş şəxslər məsuliyyətə cəlb olunacaq - Baş prokuror AÇIQLADI

Vaqif Xaçaturyanın cinayət işinə baxacaq hakim MƏLUM OLDU

“İran tərəfi Fərid Səfərli ilə bağlı məsələyə bir daha baxacaq” - Kamran Əliyev

“Ermənistanın mina və kütləvi məzarlıqlarla bağlı verdiyi xəritələr düz deyil” - Baş prokuror

"Könüllü təslim olsunlar" - Kamran Əliyevdən cinayət törətmiş ermənilərə MÜRACİƏT

Prokurorluq orqanlarının yaranmasından 105 il ötür

Hərbçimizin şəhid olması faktı ilə bağlı cinayət işi açıldı
