İlkin Süleymanov son söz deyib

Tovuz rayonunun Dondar Quşçu kəndində 10 yaşlı Nərmin Quliyevanı qətlə yetirməkdə ittiham olunan İlkin Süleymanovun cinayət işi üzrə məhkəmə prosesi davam etdirilib.
Adalet.az xəbər verir ki, bu gün Gəncə Ağır Cinayətlər Məhkəməsində hakim Dadaş İmanovun sədrliyi ilə keçirilən iclasda İlkin Süleymanov son söz deyib.
İlkin Süleymanov son sözündə ittiham olunduğu cinayətlə əlaqəsinin olmadığını deyib. O, son olaraq məhkəmədən bəraət istəyib.
Məhkəmə hökm elan etmək üçün müşavirəyə gedib.
Proses iyunun 5-nə kimi təxirə salınıb.
Qeyd edək ki, prokuror İlkin Süleymanova 20 il həbs cəzası istəyib.
Xatırladaq ki, 2019-cu ilin noyabrın 19-dan itkin düşən Tovuz rayonunun Dondar Quşçu kənd sakini, 10 yaşlı Nərmin Quliyeva qətlə yetirilib. Onun yandırılmış meyiti 2020-ci il yanvarın 6-da kənd ərazisində aşkar edilib. Cinayət işi üzrə təqsirləndirilən Dondar Quşçu kənd sakini, 1973-cü il təvəllüdlü İlkin İbrahim oğlu Süleymanov tutularaq istintaqa cəlb edilib.
İlkin Süleymanova qarşı Cinayət Məcəlləsinin 120.2.4 (xüsusi amansızlıqla qəsdən adamöldürmə), 120.2.9 (təqsirkar şəxs üçün aşkar surətdə köməksiz vəziyyətdə olan adamı qəsdən öldürmə), 144.3 (adam oğurluğu) və başqa maddələr ilə ittiham irəli sürülüb./apa
Digər Xəbərlər

Qərbi Azərbaycanda cinayət törətmiş şəxslər məsuliyyətə cəlb olunacaq - Baş prokuror AÇIQLADI

Vaqif Xaçaturyanın cinayət işinə baxacaq hakim MƏLUM OLDU

“İran tərəfi Fərid Səfərli ilə bağlı məsələyə bir daha baxacaq” - Kamran Əliyev

“Ermənistanın mina və kütləvi məzarlıqlarla bağlı verdiyi xəritələr düz deyil” - Baş prokuror

"Könüllü təslim olsunlar" - Kamran Əliyevdən cinayət törətmiş ermənilərə MÜRACİƏT

Prokurorluq orqanlarının yaranmasından 105 il ötür

Hərbçimizin şəhid olması faktı ilə bağlı cinayət işi açıldı
