İranın gənclər və idman nazirinin müavini Əli Rza Rəhimi İslam Respublikası əhalisini 7 apreldə ölkə daxilindəki elektrik stansiyalarının yaxınlığında kütləvi etiraz aksiyalarında iştirak etməyə çağırıb.  

Adalet.az  xəbər verir ki, bu  barədə İran mətbuatı yazıb. 

Rəhimi bildirib ki, o, "gənclərin, idmançıların, sənətçilərin, tələbələrin və universitet professorlarının" etirazlara qoşula biləcəyinə inanır. İran dövlət televiziyasında yayımlanan videomüraciətdə o, izah edib ki, "etirazların məqsədi beynəlxalq ictimaiyyətə mülki infrastrukturun hədəfə alınmasının qəbuledilməz olduğu mesajını çatdırmaqdır, çünki bu, müharibə cinayətidir".

Nazir müavini həmçinin "hazırda siyasi baxışlarından asılı olmayaraq iranlılar arasında ictimai həmrəyliyin vacibliyini" qeyd edib.