"İndi, İranda son hadisələrə qəzəb və hiddət fonunda cənubda yaşayan 30 milyondan çox azərbaycanlıdan öz qan qardaşları ilə birlik, həmrəylik göstərmələrini tələb edirik, Məhsa Əminin qətlində olduğu kimi, İran xalqını Orxan Əsgərovun xain qatilini linç etməyə çağırırıq".

Adalet.az xəbər verir ki, bunu Milli Məclisin bu gün keçirilən iclasında deputat Zahid Oruc deyib. Deputat bildirib ki, biz obyektiv təhlillər aparmasaq, siyasi qərarları soyuqqanlı verməsək, onda ölkə rəhbərinin dediyi kimi, eyforiya içərisində maksimalist ambisiyalara düşərik, ermənilərin dənizdən-dənizə planı kimi miflərə aludə olarıq.

"Biz aydınlaşdırmağa çalışmalıyıq ki, İran və onun tarixi haqqında milyonlarla insanımızdan fərqli nəyi bilirik, siyasi elitamız, alim və fikir adamlarımız, politoloqlarımız və ekspert cəmiyyətimiz hansı dərin məlumatlara malikdir. 

"Ölkəmizdə İranı öyrənən institutlar yaradılmalı, tədrisimiz və dərslik sistemlərimiz yenidən yazılmalı, ölkəmizdə yeni ideoloji kursun və proqramların hazırlanması üçün sistemli işlər aparılmalıdır. Əgər belə etməsək, ekranda çıxış edən eskpertlə sıravi insanın biliyi arasında böyük fərq olmayacaq. Biz İranın hər bir şəhərini, kəndini bütün xalqımıza öyrətməsək də, elitamız, xalqın önündə gedənlər onu bilməlidir".

Nicat