İsrail Müdafiə Qüvvələri İranın paytaxtı Tehran, Şiraz və Təbrizdə eyni vaxtda hücum əməliyyatı həyata keçirildiyini açıqlayıb.

Adalet.az xəbər verir ki, ordu hücum zamanı İran Silahlı Qüvvələrinin hərbi infrastrukturunun hədəf alındığını bildirib.

Şirazda ballistik raket anbarı və Təbrizdə hava hücumundan müdafiə sistemləri bu əməliyyatın hədəfləri arasında olub. Həmçinin hücum zamanı Tehranda İran Kəşfiyyat Nazirliyi və “Bəsic” də daxil olmaqla, təhlükəsizlik qurumlarının qərargahları hədəf alınıb.

PUA-lar, ballistik raketlər və müdafiə sistemlərinin saxlanılması, hazırlanması və buraxılması üçün istifadə edilən nöqtələrə də zərbələr endirilib.

Hədəflərin çoxlu sayda qırıcı təyyarələrlə bombardman edildiyi vurğulanıb.