Bu gün – 03.07.2021-ci ildə tanınmış dövlət xadimi, Bakı şəhərinin Nəsimi və Yasamal rayonlarında, Bakı şəhəri İcra aparatında uzun müddət mühüm dövlət vəzifələrində səmərəli fəaliyyət göstərmiş, Azərbaycan Ali Sovetinin deputatı olmuş, “Dövlət qulluğunda fərqlənməyə görə” medalı ilə təltif edilmiş (2009) Qaraşov İsa Tapdıq oğlunun 75 yaşı tamam olur...

İsa Qaraşov təmkinində, davranışında, vəzifə pillələrində bulaq suyu təkin təmizliyində və insanlara qarşı səmimiyyətində Heydər Əliyev məktəbinin ən yaxşı yetirməsi və davamçısı olmuşdur...

Hörmətli həmyerlimi, həmyaşıd uşaqlıq dostumu, “bağ çəpəri neylər” qonşumu, orta məktəbdə 11 il bir “parta”da yanaşı oturduğum, tələbəlik illərində (başqa-başqa institutlarda təhsil alsaq da) həmişə bir yerdə və bu illər ərzində (1946-2021)qardaş qədər bir-birimizə bağlı olduğum İsanı (Qaraşov İsa Tapdıq oğlunu) cani dildən təbrik edir, ona və sevdiklərinə ömür boyu xoşbəxtlik arzulayıram!!

Qurban Bayramov ,

Filologiya elmləri üzrə fəlsəfə doktoru