İtaliyanın Maire Tecnimont şirkəti, təbii qazdan istifadəni qismən əvəz edə biləcək yeni yanacaq növü axtarışlarını davam eydirir.

Adalet.az xəbər verir ki, şirkət Rusiyadan alınan qazın 10 faizini əvəz edəcək, ekoloji cəhətdən təmiz olan zibildən kimyəvi və yanacaq məhsulları hazırlamağı planlaşdırır. Onlar hesab edirlər ki, zibilin yeni texnologiya ilə emalı ölkənin Rusiya qazından asılılığını azaldacaq.

Şirkət rəhbərinin Alessandro Berninin sözlərinə görə, hər il ölkə zibilliklərinə 16 milyon tona yaxın, ikinci emala yaramayan zibil atılır. "Biz bu zibilləri yenidən emal edərək, asılılığı azaltmaq üçün onlardan sintetik qaz ala bilərik. Bu təxminən illik tələbatın 10 faizini ödəyə bilər" /// İtaliyanın Eni neftqaz qrupu bildirib ki, 2025-ci ilədək Rusiya qazının alınmasından tam imtina etmək məqsədilə, digər şirkətlərlə müqavilələr bağlayırlar. Şirkət artıq Əlcazairlə müqavilə bağlayıb və Liviya, Anqola, Mozambiqlə müqavilələr bağlamağa yaxındır.

 Xəbər verdiyimiz kimi, Rusiyanın Qazprom şirkəti Kanadaya təmir olunmaq üçün göndərdikləri ehtiyat trubinləri geri ala bilmədikləri səbəbindən, "Şimal axını" qaz kəməri vasitəsi ilə Avropaya ötürülən qazın miqdarını xeyli azaltmaq məcburiyyətində qalıb.

Rüstəm Hacıyev