Beynəlxalq Türk Müəllifləri Birliyinin təşkilatçılığı, Azərbaycan Yazıçılar Birliyi Azərbaycan Respublikası Mədəniyyət Nazirliyi, Milli Məclisin Mədəniyyət komitəsi, AMEA, Bakı Şəhər İcra Hakimiyyəti, Beynəlxalq Türk Mədəniyyəti və İrsi Fondu, Beynəlxalq Türk Akademiyası, TÜRKSOY, TÜRKPA, Yunus Əmrə İnstitutu, İLESAM və digər qurumların dəstəyi ilə Elmlər Akademiyasının önündə II Türk Dünyası kitab və ədəbiyyat festivalı keçirilir.

Kitabçı Xan Rəsuloğlu festivaldakı təəssüratlarını Adalet.az-la bölüşüb.

“Bugünkü sərgi keçənilkinə nisbətən mənə elə gəlir ki daha möhtəşəmdir. Keçən il universitetin önündə idi, bu il Elmlər Akademiyasının önündədir. Ərazisinə görə daha əlverişlidir. İnsanların gəzə-gəzə kitablara baxması üçün gözəl şərait var. AYB-nin xətti ilə Xəyal Rza gözəl təşkilatçılıq edir, çox sağ olsun. Oxucuların gəliş-gedişi ürəkaçandır. Keçənilkinə nisbətdə kitab alışında artım var. Hələ ki bu, sərginin birinci günüdür. Ümid edirəm sonrakı günlərdə gələnlərin sayı çox olacaq. Çox istəyərdim ki, valideynlər övladları ilə gəlsinlər. Bu yeni nəslə də gözəl tövhə olar”.

Eminquey