ABŞ prezidenti Donald Tramp Avropa liderləri ilə söhbətində bildirib ki, bütün Donbasın Rusiya ərazisi kimi tanınması sülh sazişinin tezliklə əldə olunmasına kömək edəcək.

Adalet.az xəbər verir ki,  bu barədə “The New York Times” yüksək rütbəli avropalı rəsmilərə istinadən yazır. 

“Tramp Avropa liderlərinə bildirib ki, o, Zelenski Donbasın qalan hissəsini Rusiyaya verməyə razılaşarsa, sülh sazişinin tezliklə əldə olunacağına inanır”, - məqalədə deyilir. 

Bundan əvvəl Avropa İttifaqı bəyan etmişdi ki, Ukrayna ərazisi ilə bağlı qərarları Kiyev özü verməlidir.