İranın İspaniyadakı səfiri Rza Zəbib krallıq ailəsi ilə rəsmi salamlaşma mərasimi zamanı yenə kraliça Letisiyanın və şahzadələr Leonor və İnfanta Sofiyanın əlini sıxmaqdan imtina edib.

Adalet.az xəbər verir ki, İran səfiri yalnız İspaniya kralı VI Felipe ilə əl sıxaraq salamlaşıb, lakin bu üç qadınla qarşılaşarkən heç bir fiziki təmas qurmayıb, əllərini sinəsində çarpazlaşdırmaqla və başını yüngülcə əyməklə kifayətlənib.

Kraliça Letisiya salamlaşmaq üçün əlini uzatsa da, əli havada qalıb. Bu addım İran diplomatlarının əvvəlki davranışlarına bənzəyir və İspaniya mediasında əks-səda doğurub.