24 Noyabr 2022 13:19
172
GÜNDƏM

KTMT-da dəyişiklik: Zas getdi, Tasmaqambetov gəldi 

Erməni mediası yazır ki, ötən gün KTMT-nin baş katibi Stanislav Zas çıxış edib. O, bildirib ki, KTMT-nin Kollektiv Təhlükəsizlik Şurasının Yerevanda keçirilən sessiyasının müzakirəsinin əsasını iki sənəd təşkil edir. Birincisi, ölkə rəhbərlərinin Ermənistana yardım etmək qərarıdır:

“Bu, ümumiyyətlə hazırdır, razılaşdırılıb və Azərbaycanla sərhəddəki gərginliklə bağlı çətin vəziyyətdə Ermənistana yardım göstərilməsi üçün tədbirlər çərçivəsi qərara alınıb, lakin sənədə bir sıra aspektlərə yenidən baxılmasına ehtiyac var”.
Müzakirə olunan digər sənəd KTMT-nin Kollektiv Təhlükəsizlik Şurasının bəyannaməsidir. O da razılaşdırılıb, lakin bugünkü müzakirə nəticəsində bir neçə redaktə edilməsi qərara alınıb.
Erməni mediası Zasın bu çıxışını “bəh-bəh”lə tirajladığı saatlarda başqa bir xəbər yayıldı. Xəbər ermənilərin qol- qanadını “sındırdı”.


Adalet.az xəbər verir ki, Kollektiv Təhlükəsizlik Müqaviləsi Təşkilatının (KTMT) baş katibi dəyişib.


Stanislav Zas KTMT-nin baş katibi kimi üç illik fəaliyyətini başa vurduğu üçün baş katibin səlahiyyətlərini Qazaxıstan nümayəndəsi İmanqali Tasmaqambetov icra edəcək...


Qeyd edək ki, KTMT üzvlərindən olan Qırğızıstan və Qazaxıstan İstanbul görüşündə KTMT üzvü Ermənistana qarşı Azərbaycanı dəstəkləməsi bir çox dairələrdə qıcıq doğurmuşdu.