“Qan yaddaşı, əcdadlarımızın çağırışı deyilən bir çox vacib amil var. O əminlik, o doğma diyarlar, o doğma daşlar ora qayıdan hər bir soydaşımıza inamla, əzmlə yaşamaq üçün güc olacaq.

Qanımız, canımız qədər əziz olan torpağa qədəm qoyduq. Bütöv bir xalqın arzu etdiyi əzəli torpağa gəlmişik”, – bunu Azərbaycanın əməkdar mədəniyyət işçisi Leyla Quliyeva işğaldan azad edilmiş ərazilərə Böyük Qayıdışla bağlı fikirlərini bölüşərkən deyib. Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramının Tədbirlər Planına uyğun olaraq, Qaçqınların və Məcburi Köçkünlərin İşləri üzrə Dövlət Komitəsi tərəfindən məlumatlandırma, təbliğat-izahat və təşviqat işləri çərçivəsində sənət adamlarının, müxtəlif sahələrdə çalışan ziyalıların və gənclərin iştirakı ilə videoçarxlar hazırlanır.

Azərbaycanın əməkdar mədəniyyət işçisi Leyla Quliyevanın iştirakı ilə hazırlanmış videoçarxı təqdim edirik.