Masallıda şəhid ailələri və vətən müharibəsi iştirakçıları ilə görüş

“Şəhid ailələrinə maddi və mənəvi dəstək” İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Şəhid ailələri, müharibə veteranlarına vətəndaş cəmiyyəti dəstəyi” layihəsi çərçivəsində Masallı rayonunda tədbir keçirib.

Layihə rəhbəri Nəzakət Həsənova tədbirdə çıxış edib. Bildirib ki, belə bir layihənin keçirilməsi şəhid ailələrini maarifləndirməklə yanaşı vətəndaş cəmiyyəti və şəhid ailələri arasında sıx əməkdaşlığın formalaşdırılmasına xidmət edir.

N.Həsənova hökumətin həyata keçirdiyi sosial siyasətdə şəhid ailələrinin rolundan danışıb. Bildirib ki, sosial paketlərdə şəhid ailələri, müharibə veteranlarına diqqət və qayğı daim hiss olunur.

Tədbirdə çıxış edən jurnalist Ədil Ədilzadə layihə barəsində ətraflı məlumat verib. Bildirib ki, 3 ay həyata keçiriləcək alyihə çərçivəsində şəhid ailələri ilə iş aparılıb. Yasamal rayonunda 5 şəhid ailəsi təşkilat tərəfindən ziyarət olunub. Onların problemləri dinlənilib. Problemlərin həlli ilə bağlı aidiyyatı qurumlara müraciət edilib.

Ə.Ədilzadə onu da bildirib ki, layihə çərçivəsində hökumətin şəhid ailələri ilə bağlı gördüyü işlər, bu istiqamətdə həyata keçiriləcən tədbirlərlə bağlı KİV-də 10 yazı dərc olunub. Bu yazılar “Media reyestrindən keçən 3 saytda yazıların dərc edilib. Yazılar saytlarla yanaşı sosial şəbəkədə də geniş yayımlanıb.Görülən işlərin davamı olaraq İnternet TV-də 1 verliş hazırlanıb.

Tədbirdə çıxış edən şəhid və vətən müharibəsi iştirakçıları öz təkliflərini verdilər.