Türkiyənin Mərmərə dənizi çirkab sularının qeyri-kafi təmizlənməsi səbəbindən yaxın gələcəkdə məhv ola bilər.

Adalet.az xəbər verir ki, bunu Türkiyə Dəniz Tədqiqatları Fondunun sədri və İstanbul Universitetinin professoru Bayram Öztürk deyib. 

Onun sözlərinə görə, Mərmərə bölgəsindəki çirkab sularının təmizlənməsi qurğularının təxminən 50%-i işlək vəziyyətdədir, qalan çirkab suları isə lazımi qaydada təmizlənmədən dənizə axır. Alim qeyd edib ki, bu, oksigen çatışmazlığını daha da artırır və ekosistemə təhlükə yaradır.

Öztürk, Mərmərə dənizinə qeyri-kafi emal olunmuş tullantıların atılmasının nəticələri barədə danışarkən xəbərdarlıq edərək bildirib ki: "Bu, dənizin yaxın gələcəkdə öləcəyi deməkdir".

Alim, hətta bir litr təmizlənməmiş məişət və ya sənaye tullantılarının Mərmərə dənizinə daxil olmasının qarşısını almağa çağırıb.