“Keçən il bu kimi tədbirlərdə 600-ə yaxın jurnalist iştirak edib”.

Adalet.az xəbər verir ki, bu sözləri Medianın İnkişafı Agentliyində Media subyektləri və jurnalistlərlə iş şöbəsinin müdiri Natiq Məmmədli deyib.

O bildirib ki, bu il isə Agentlik tərəfindən aidiyyəti qurumlarla 800-ə yaxın jurnalistin sahəvi jurnalistikanın təkmilləşdirilməsində iştirakının təşkili planlaşdırılır:

“İnformasiyanın mənbəyi dəqiq olmalıdır ki, cəmiyyətin buna inanması daha asan olsun. Kommunikasiya mötəbər olmalıdır. Jurnalist öz məsuliyyətini dərk etməlidir. Hazırlanan material həm ölkə daxili auditoriyada, həm də ölkə sərhədlərindən kənarda da Azərbaycan reallığını ifadə etmək gücünə malikdir. Düşünürəm ki, bu kimi proqramlar gələcəkdə bütün sahələrdə, eləcə də hüquq sistemi üzrə əldə edilən informasiyalar jurnalistlərə peşə fəaliyyətində faydalı olacaqdır”.(oxu.az)