Danimarka kəşfiyyatının açıqladığı sənədlərə görə, Rusiya beş ildən sonra, NATO dövlətlərinə qarşı irimiqyaslı müharibəyə hazır ola bilər.

 "Rüsiya təxminən altı ay ərzində, sərhəd zonalarında yerləşən ölkələrə qarşı lokal müharibələrə başlaya bilər. Təxminən iki ildən sonra isə, bir sıra iri NATO dövlətlərinə qarşı təhlükə də yarada, beş ildən sonra isə, avropa kontinentində ABŞ-ın müdaxilə etməyəcəyi alyans ölkələrinə qarşı irimiqyaslı müharibəyə də başlamağa hazır ola bilər"- deyə Danimarka kəşfiyyatı proqnozlaşdırır.

 Rusiya prezidenti Vladimir Putin, daha əvvəl bu cür bəyənatları sərsəmləmə kimi qiymətləndirərək, Rusiyanın belə bir niyyəti olmadığını bildirmişdi. Xatırladırıq ki, Rusiya prezidenti bir vaxtlar Rusiyanın Ukraynaya hücum edəcəyi barədə də, Moskvanın belə bir niyyəti olmadığını qəti surətdə təkzib etmişdi. Lakin... Rusiyanın Ukraynaya qarşı başladığı müharibə artıq üç ildir ki, davam edir...

 Rüstəm Hacıyev