İş dünyasının önəmli jurnallarından biri olan “Forbes” ABŞ-ın ən zəngin adamlarının “Forbes 400” siyahısını açıqlayıb.

Adalet.az-ın xarici mətbuata istinadən məlumatına görə, siyahının başında 251 milyard dollarlıq sərvətlə dünyanın ən varlı adamı olan SpaceX və Tesla-nın baş direktoru İlon Mask qərarlaşıb.

İkinci yerdə 151 milyard dollarla Amazon şirkətinin baş direktoru Ceff Bezos qərarlaşıb. Amazon səhmlərinin azalması səbəbindən Bezosun sərvəti keçən illə müqayisədə 50 milyard dollar itirib.

Siyahıda 3-cü yeri 106 milyard dollardan sərvəti 28 milyard dollar azalan Bill Qeyts tutub.

Qeyd edək ki, siyahıda ən diqqət çəkən dəyişiklik Facebook-un qurucusu Mark Zukerberqin tənəzzülü olub. Belə ki, keçən il 77 milyard dollar itirən Zukerberq 57 milyard dollarlıq sərvətlə 11-ci yerə düşüb.

Əntiqə Kərimzadə