Pakistanda iyunun 26-da başlayan musson yağışları nəticəsində yaranan sel və torpaq sürüşmələrində ölənlərin sayı 905-ə çatıb.

Adalet.az xəbər verir ki, bu haqda Pakistan Milli Fəlakət İdarəetmə Agentliyi (NDMA) məlumat yayıb.

Yağışların ən çox vurduğu bölgə Pəncab əyaləti olub. Üç çayın daşması nəticəsində əyalətdə 1,3 milyon hektar əkin sahəsi su altında qalıb.

Avqustun sonundan indiyədək 4100-dən çox kənd və 4,2 milyon insan daşqınlardan zərər çəkib, 2 milyondan çox insan təhlükəsiz ərazilərə köçürülüb.