Varşava Rusiya ilə kiberməkanda müharibə vəziyyətindədir, ölkə üçün yeganə faydalı hərbi ittifaq NATO-dur.

Adalet.az xəbər verir ki, bunu Polşa Milli Təhlükəsizlik Bürosunun (BBN) rəhbəri Slavomir Tsentskeviç deyib.

"Hazırda Polşa kiberməkanda Rusiya ilə müharibə vəziyyətindədir, bu, artıq təhdid vəziyyəti deyil", - o bildirib.

S.Tsentskeviçin sözlərinə görə, Aİ ölkələrində kriptovalyuta ilə ödənişin edildiyi agent şəbəkəsi fəaliyyət göstərir ki, bu da onlara xüsusi xidmət orqanlarının nəzarətindən yayınmağa imkan verir.

O, bu şəbəkəni "hibrid hücum"larda - pilotsuz uçuş aparatları ilə Aİ ölkələrinin hava məkanının pozmaqda, kritik infrastrukturun sındırılması cəhdlərində günahlandırır.

"Hesab edirik ki, Polşa üçün yeganə faydalı hərbi ittifaq NATO-dur və NATO olaraq qalacaq", - BBN rəhbəri bildirib.