"Qarabağ" evdə Bolqarıstan klubuna məğlub oldu
![](https://adalet.az/uploads/img/posts/2024/08/07/5jpg-1723008230.jpg)
UEFA Çempionlar Liqasının III təsnifat mərhələsinin ilk oyunları çərçivəsində keçirilən "Qarabağ" - "Ludoqorets" (Bolqarıstan) matçı başa çatıb.
Adalet.az xəbər verir ki, qarşılaşma qonaqların 2:1 hesablı qələbəsi ilə yekunlaşıb.
Bolqarıstan klubunun heyətində Diniş Almeyda (56) və Kayo Vidal (87) fərqlənib. "Qarabağ"dan Juniniyo 65-ci dəqiqədə rəqib qapısına yol tapıb.
89-cu dəqiqədə K.Vidal qırmızı vərəqə ilə meydandan qovulub.
Qeyd edək ki, komandalar arasında cavab görüşü avqustun 13-də keçiriləcək.