“Ramiz Mehdiyevdən ziyan çəkənlərdən biri də mən idim. O vaxt verilişimi dayandırdı, məni işdən çıxardılar. Onun hakimiyyətdə olan vaxtı cavabını vermişəm. Hətta Misir Mərdanov və Yaqub Məmmədov mənim Ramiz Mehdiyev haqda verdiyim müsahibələrə istinad ediblər”.

Bunu Adalet.az-a açıqlamasında Xalq artisti Şeyx Əbdül Mahmudbəyov Ramiz Mehdiyevin cinayət məsuliyyətinə cəlb edilməsinə münasibət bildirərkən deyib.

O deyib ki, Ramiz Mehdiyev ən çox mənə pislik edib:
“Yeddi-səkkiz nəfər adamlar var və onların o vaxt üzlərinə demişəm ki, inşallah ölməyəcəyəm, Allaha dua edib deyəcəm ki, sağ qalım, bu adamların məhkəməsində iştirak edim və bunların ittihamlarını mən oxuyum. “Klassik irsimiz” verilişimi, “Məhəmməd Şah Qacar” əsərimi bunlar dayandırdılar və məni işdən çıxartdırdılar. “Qan yaddaşımız” tarixi elmi əsərimin ssenarisini bunlar dayandırdılar və mənə deyirdilər ki, ermənilərlə qarşıdurma yaradırsan, biz barışıq etmək istəyirik. Bunu Ramiz Mehdiyev və onun ətrafındakılar deyirdi. İndi istintaqın nəticələrini gözləyək. Mən inanıram ki, onların məhkəməsində iştirak edəcəm və soruşacam ki, nə oldu?!”.

Vasif ƏLİHÜSEYN