Bursanın İnegöl rayonunda hamiləliyin 37-ci həftəsində qeysəriyyə əməliyyatı ilə dünyaya gələn körpə, 2024-2025-ci illər üçün müayinə proqramında Türkiyənin ən uzun və ən ağır körpəsi kimi qeydə alınıb. Əli Atilla adı verilən körpənin çəkisi 6 kilo 150 qram, boyu isə 59 santimetr olub.

Adalet.az xarici mediaya istinadla xəbər verir ki, Bursadakı özəl xəstəxanada ginekoloq İbrahim Yaşanın nəzarəti altında olan Özəl Sağlamlıq Mərkəzinin direktoru Ece Bircan hamiləliyinin son həftələrinə yaxınlaşan müayinə zamanı körpəsinin artıq çəkili olduğunu öyrənib. O və vəkil əri Murat Tunç Bircan körpələrinin təxminən 5 kiloqram ağırlığında olacağını gözləyirdilər, lakin hamiləliyin 37-ci həftəsində 6 kilo 150 qram çəkiyə çatanda cütlük şoka düşüb.

Qeysəriyyə əməliyyatı ilə dünyaya gələn və həkim və komandası tərəfindən böyük qayğı ilə müalicə olunan körpəyə Əli Atilla adı verilib. Körpə Əli Atilla təxminən 2 kiloqram  artıq çəkidə və 59 santimetr boyunda qeydiyyata alınıb. İlk müayinədə paltarları ilə birlikdə 6 kiloqram və 220 qram  çəkidə olduğu aşkar edilib.

Doktor mama-ginekoloq doğuşdan sonrakı müayinələr zamanı həm ananın, həm də körpənin sağlam olduğunu bildirib. 

Vasif ƏLİHÜSEYN