adalet.az header logo
  • Bakı 16°C
  • USD 1.7
01 Fevral 2023 21:02
553
SİYASƏT

Rumıniya Prezidenti sabah Azərbaycana səfər edəcək

Rumıniya Prezidenti Klaus Yohannis 2-3 fevral tarixlərində Azərbaycana səfər edəcək.

Adalet.az xəbər verir ki, bu barədə “İnterfaks-Azərbaycan” agentliyinə diplomatik mənbə məlumat verib.

“Rumıniya Prezidenti Klaus Yohannis Azərbaycan Prezidenti İlham Əliyevin dəvəti ilə 2-3 fevral 2023-cü il tarixlərində Azərbaycana rəsmi səfər edəcək”, - deyə mənbə bildirib.
Ətraflı

Səfər çərçivəsində Əliyev və Yohannis arasında aparılacaq danışıqlar zamanı energetika, nəqliyyat, ticarət, investisiya, rəqəmsallaşma, kənd təsərrüfatı, təhsil və mədəniyyət sahələrində ikitərəfli əməkdaşlığın daha da inkişaf etdirilməsi müzakirə olunacaq.

Dövlət başçıları, həmçinin Qara dənizin dibi ilə elektrik kabelinin çəkilməsi layihəsi kimi regional layihələrin həyata keçirilməsini müzakirə edəcək və rəqəmsal sahədə belə layihələrə start verilməsi məsələsini nəzərdən keçirəcəklər.

Bundan başqa, K.Yohannis fevralın 3-də Cənub Qaz Dəhlizi Məşvərət Şurası çərçivəsində nazirlərin 9-cu toplantısında iştirak edəcək.