Rusiya hökuməti 2025-ci il üçün ixtisaslı xarici mütəxəssislərin cəlb edilməsi üçün 234,9 min iş icazəsi təşkil edən kvotanı təsdiqləyib.

Adalet.az xəbər verir ki, kvotanın əsas hissəsi sənaye müəssisələrində və infrastruktur layihələrində çalışan işçilər üçün nəzərdə tutulub.

Rusiyanın baş naziri Mixail Mişustinin imzaladığı qərar rəsmi hüquqi informasiya portalında dərc olunub.

“Rusiyaya viza ilə gələn ixtisaslı xarici işçilər üçün müəyyən edilmiş kvota 2025-ci ildə 234,9 min icazə olacaq. Bunlardan 93,8%-i sənaye və infrastruktur ehtiyacları üçün nəzərdə tutulub”, - deyə Əmək Nazirliyinin nümayəndələri əlavə ediblər.

Kvota təşkilatlara işəgötürənlərin təsdiq edilmiş ehtiyaclarına uyğun olaraq viza rejimi olan ölkələrdən mütəxəssisləri işə götürmək üçün verilir. Mütəxəssislərin cəlb edilməsi mənbələri əsasən Çin, Türkiyə, Hindistan, Serbiya və viza müqaviləsi qüvvədə olan digər ölkələrdir. Təsdiqlənmiş müraciətlər kvotanın regionlar üzrə bölgüsünü təşkil edir və bu il bu, 156,6 min nəfərdir. Bundan əlavə, təsdiq edilmiş müraciətlərin daxil olduğu halda regionlara ayrıla bilən 78,3 min ehtiyat nəzərdə tutulub.