Bir il bundan qabaq Yeni Günəşli yaşayış sahəsinin 13 nömrəli binasında  mütəmadi olaraq qaz, su, işıq sayğacları hər ayın əvvəlində nəzarətçilər tərəfindən yoxlanır və abonentlər borcları barədə qəbz yazılır və onların mənzillərinin qapısına qoyulurdu. Amma xeyli vaxtdır ki, bu əməliyyatlar ya keçirilmir, ya da gec  keçirilir. Yeganə su xidmətdir ki, onlar hər ayın əvvəllərində , daha doğrusu, 1-3 arasında sayğacları oxuyur, borcu yazır və abonentlərə çatdırlar.

Çox təəssüf ki , bu sözləri qaz və işıq idarələri haqqında demək mümkün deyil.Bir də görürsən ki, həmin xidmət sahəsinin əməkdaşları gəldilər və üç- dörd ayın borcun birdən yazdılar. Həmin borc da çox olduğu üçün  bəzi hallarda abonentlər o pulu verə bilmir, ləngidir  və çıxıs yolu axtarırlar . Çıxış yolu da tapa bilməyəndə həmin xidmət sahələri borclu abonentlərin işığını , qazını kəsirlər. Bu isə böyük narazılığa və narahatlığa səbəb olur! Bununla yanaşı, işıq, qaz idarələri  onlara işlətmədikləri enerjinin pulunu yazırlar!Bu barədə aidiyyəti qurumla əlaqə yaratdıq .

Onların sözçüsü bildirdi ki, heç bir abonentə işlətmədiyi enerjinin pulu yazıla bilməz! Çünki sayğcın üzərində hansı rəqəm yazılırsa, onu da nəzarətçilərimiz oxuyur, olan borcu yazıb abonentlərə çatdırırlarlar! Amma görünən odur ki, Bakının bir çox yaşayış sahələrində  işıq və qaz nəzarətçiləri , abonentlərin dediyinə görə, rəqəmlər şişirdilir və onlar işlətmədikləri  enerji pulu yazılır! Hər halda , bu məsələlər aidiyyəti qurumlar tərəfindən daha ətraflı araşdırılmalı  və çıxış yolu tapılmalıdır! 

Emil FAİQOĞLU