"Onlardan 406 müəssisə özəl sektorun təmsilçisidir"
"Prezident İlham Əliyevin sədrliyi ilə keçirilən dağ-mədən və metallurgiya sənayesinin inkişafına dair Dövlət Proqramına həsr olunmuş müşavirədə özəl sektorun istehsala daha yaxından cəlb edilməsi əsas hədəflərdən biri kimi qeyd edildi. Proqrama əsasən, özəl sektor tərəfindən illik istehsal gücü təqribən 200 min ton olan yeni ilkin alüminium istehsalı müəssisəsinin qurulması imkanlarının qiymətləndirilməsi də həyata keçiriləcək".
Adalet.az xəbər verir ki, bunu millət vəkili Vüqar Bayramov deyib.
O, bildirib ki, hazırda mədənçıxarma sənayesndə 427 müəssisə fəaliyyət göstərir:
"Onlardan 406 müəssisə özəl sektorun təmsilçisidir. Dövlətin bu sektorda cəmi 21 müəssisəsi fəaliyyət göstərir. Son 5 ildə bu sahədə fəaliyyət göstərən özəl müəssisələrin sayı 30 faiz artıb. Özəl şirkətlərin sayının artması sahibkarların bu sektora marağının yüksəlməsi ilə bağlıdır".
V.Bayramovun sözlərinə görə proqramın icrası nəticəsində dağ-mədən və metallurgiya sahəsinə daha çox özəl şirkətlərin cəlb olunacağı və istehsalın artacağı gözlənilir:
"Eyni zamanda, Dövlət Proqramının icrasının bu sahə üzrə göstəriciləri əhəmiyyətli dərəcədə dəyişəcəyi gözlənilir. Belə ki, yeni Proqam nəticəsində illik 1 milyard manatdan çox əlavə dəyərin yaradılması proqnozlaşdırılır.
Göründüyü kimi, yeni Dövlət Proqramının icrası iş adamları üçün yeni imkanlar demək olacaq. Bu isə özəl sektor vasitəsi ilə daha çox iş yerlərinin yaradılması anlamına gəlir".
Vasif ƏLİHÜSEYN
Digər Xəbərlər
17 Noyabr 2026 16:26
Yaşayış minimumu birinci oxunuşdan keçdi
17 Noyabr 2026 16:12
Mərkəzi Bankın maliyyə qurumlarına nəzarət funksiyaları artırıldı
17 Noyabr 2026 12:19
"Vergidən azadolmaların daha bir neçə il uzadılması vacibdir" - Komitə sədri
17 Noyabr 2026 11:14
“Bu məsələdə olduqca ehtiyatlı davranılmalıdır”
17 Noyabr 2026 11:12
Siqaret bahalaşacaq - Bu tarixdən
16 Noyabr 2026 17:51
Əmanət faizlərinə gələn ildən vergi tətbiq oluna bilər - Deputat açıqladı
16 Noyabr 2026 16:52
Azərbaycanda bu şəxslərin maaşının artırılması təklif olunur
16 Noyabr 2026 13:20


Bakı -°C

