İngiltərənin "Liverpul" klubunun hücumçusu Məhəmməd Salah mövsümün sonunda klubdan ayrılacağını açıqlayıb.

Adalet.az xəbər verir ki, bu barədə "Sky Sports" xəbər yayıb. 

“Mən həqiqətən "Liverpul"la Premyer Liqanı qazanmaq istəyirəm. Bu mənim klubdakı son ilimdir, ona görə də şəhər üçün xüsusi bir şey etmək istəyirəm”, - Salah deyib.

Misirli oyunçu yeni müqavilə ilə bağlı klubla onun arasında heç bir irəliləyiş olmadığını da qeyd edib. Hazırkı müqavilə bu mövsümün sonunda, 2025-ci ilin yayında başa çatır.

32 yaşlı futbolçu 2017-ci ildən "Liverpul"da çıxış edir. O, klubda 375 matçda 231 qol vurub və 105 məhsuldar ötürmə edib.