28 Sentyabr 2023 09:04
591
HADİSƏ

Şəmkirdə yük avtomobili dərəyə aşdı: Ölənlər var

Şəmkirdə ölümlı nəticələnən yol nəqliyyat hadisəsi baş verib.

Fövqəladə Hallar Nazirliyindən Adalet.az-a verilən məlumata görə, hadisə rayonun Qapanlı kəndində qeydə alınıb. 

Bildirilir ki, FHN-nin Böhran Vəziyyətlərində İdarəetmə Mərkəzinə Qapanlı kəndində yol-nəqliyyat hadisəsinin baş verməsi ilə əlaqədar xilasedici köməyinə ehtiyac yaranması barədə məlumat daxil olub.

Məlumat qəbul ediləndən dərhal sonra FHN-in həmin əraziyə ən yaxın xilasetmə qüvvələri çağırış üzrə cəlb olunub.

Əməliyyat şəraiti qiymətləndirilərkən müəyyən olunub ki, “QAZ” markalı yük avtomobili idarəetməni itirərək yol kənarındakı dərəyə aşıb, 2 nəfər avtomobildə sıxılmış vəziyyətdə qalıb.

Dövlət Yanğından Mühafizə Xidmətinin yanğınsöndürən-xilasediciləri tərəfindən həyata keçirilən xilasetmə tədbirləri nəticəsində 2 nəfərin meyiti nəqliyyat vasitəsindən çıxarılaraq aidiyyəti üzrə təhvil verilib.