Bakıda Əlişir Nəvainin, Daşkənddə isə Nizami Gəncəvinin və Heydər Əliyevin heykəlləri ucaldılıb.  Özbəkistan Dövlət Pedaqoji Universiteti Nizami Gəncəvinin adını daşıyır, Azərbaycanda Əlişir Nəvai adına kənd var.  Dövlətimizin başçısının təşəbbüsü ilə 2023-cü ildə Füzuli şəhərində Mirzo Uluqbek adına müasir tipli 960 yerlik məktəbin tikintisi də möhkəm dostluq və həmrəyliyin daha bir göstəricisi oldu.

 “Odlar yurdu – Azərbaycan” kitabının müəllifi Şərofiddin Tulaqanov iki qardaş xalqın və onların liderlərinin son illərdə əldə etdiyi faydalı əlaqələr və onların əməli nəticələri haqqında dərin analitik fikirlər təqdim edir.  Müəllif istinad etdiyi hər bir məlumatı mənbəyə əsaslanaraq əsaslandırır. 

 Kitabın müəllifi Azərbaycanın qədim tarixini, mədəniyyətini, adət-ənənələrini geniş əhatə etməklə yanaşı, həm də Azərbaycan Respublikasının ümummilli liderləri Heydər Əliyev və İlham Əliyev, o cümlədən Mehriban xanım Əliyeva kimi dövlət xadimlərinin fəaliyyətinə dərindən nəzər salır.  Bundan əlavə, Azər xalqının dövlətçilik tarixindən, xüsusilə ötən əsrdə bu ölkədə baş verən müxtəlif tarixi hadisələrin inkişafından da ətraflı bəhs edilir.  Bir sözlə, müəllifin kitaba daxil olan bir çox məqalələrində ötən əsrdə Azərbaycan xalqının taleyində baş vermiş tarixi hadisələr, dövlətçilik və onun təşəkkülü tarixi mərhələ-mərhələ, xronoloji ardıcıllıqla təsvir edilmişdir.  Bu prizmadan yanaşdıqda aydın olur ki, kitab təkcə publisistik materiallar toplusu deyil, həm də elmi-tarixi dəyərli əsər kimi özünəməxsus yer tutur. 

 Kitabda 8 noyabr 2020-ci il tarixinin müasir Azərbaycan dövlətçiliyi tarixində xüsusi əhəmiyyəti, həmin gün Azərbaycan ordusunun Qarabağı necə geri alması, bu ərazilərin 30 ilə yaxın işğal altında olması, 44 günlük müharibənin sonunda Azərbaycanın 5 şəhəri, 4 qəsəbəsi, 286 kəndinin Azərbaycana qaytarılması xüsusi vurğulanır.  Qeyd edək ki, Azərbaycanın dövlət başçısı İlham Əliyevin sərəncamı ilə ölkəmizin ərazi bütövlüyü bərpa edilib, Qarabağın paytaxtı Şuşa şəhəri işğaldan azad edilib və bu tarix hər il təntənəli şəkildə qeyd olunur.  

 Tarixi məlumatlarla zəngin olan bu kitab oxucuya Azərbaycanın tarixi, mədəniyyəti, dünəni və bu günü haqqında məlumat verməklə yanaşı, Özbəkistan və Azərbaycan Respublikaları arasında mövcud olan, qarşılıqlı dostluğa əsaslanan çoxtərəfli əlaqələr, onların nəticələri haqqında da dəyərli məlumatlar verir.

 Şuxrat Xayıtov

 Filologiya üzrə fəlsəfə doktoru