Sırski Zelenskiyə məruzə etdi: Kurskda irəliləyirik!
![](https://adalet.az/uploads/img/posts/2024/08/16/27jpg-1723835734.jpg)
Ukrayna Silahlı Qüvvələri Rusiya ərazisində yeni irəliləyişlərə malikdir, bəzi istiqamətlərdə onlar bir-üç kilometr məsafədə irəliləyiblər.
Adalet.az xəbər verir ki, bunu Ukrayna Silahlı Qüvvələrinin baş komandanı Aleksandr Sırski videobağlantı vasitəsilə Prezident Vladimir Zelenskiyə məruzəsində deyib.
"Hücum döyüşləri davam etdirilir və bəzi istiqamətlərdə 1-3 km irəliləyirik. Bütün cəbhə xəttində döyüşlər davam edir. Vəziyyət nəzarət altındadır. Bütün tədbirlər plana uyğun həyata keçirilir", - o bildirib.
O vurğulayıb ki, Kursk vilayətindəki qoşunlar hər şeylə təmin olunub, maddi-texniki təchizat sistemi nasazlıq olmadan işləyir.
Nazir qeyd edib ki, hazırda Malaya Lokni ərazisində döyüşlər gedir: "Ümid edirəm ki, orada çoxlu əsirlər olacaq".
Sırski prezidentə ölkənin şərqindəki vəziyyət barədə də məlumat verib. Onun sözlərinə görə, səhər saatlarından etibarən Pokrovsk və Toretsk istiqamətlərində şiddətli döyüşlər gedir:
"Haqqında məlumat verdiyim bütün tədbirlər həyata keçirilir. Hər şeyi nəzarətdə saxlayıram".