"Qiymətləndirməm ondan ibarətdir ki, avqustun 8-də Ermənistan Respublikası ilə Azərbaycan Respublikası arasında sülh bərqərar oldu, müxalifət hələ ayın 9, 10, 11, 12-də şokda idi, 13-də isə sülhə qarşı genişmiqyaslı hücuma keçdi". 

Adalet.az xəbər verir ki, bunu Ermənistanın baş naziri Nikol Paşinyan hökumətin iclasından sonra keçirdiyi brifinqdə deyib. 

O, ölkədəki müxalifəti bədbəxt adlandırıb: "Çünki sərhəddə heç bir əsgər öldürülmür, başa düşürsünüz? Əsgər öldürülmür, bu da onları bədbəxt edir". 

Baş nazir həmçinin qeyd edib ki, yaranmış sülhü qorumağı özünə borc bilir: "Bunun yolu Ermənistan vətəndaşları ilə mümkün qədər çox ünsiyyətdə olmaqdan keçir. Mən o sülhün müəllifi deyiləm, o sülhün müəllifi 2018-ci ilin may ayından hər gün hibrid təbliğat hücumlarına məruz qalan Ermənistan vətəndaşlarıdır. Amma xalqımız daha dözümlüdür. Bu sülhə görə xalqa təşəkkür etmək istəyirəm, onlar bunu qazanıblar".