Biz axşam yatıb, səhər yuxudan  duranda görürük ki, çox şeyin  qiyməti bahalaşıb.

Artıq biz buna qarşı öyrəşmişik. Amma gəlin onunla razılaşaq ki, tay bu qədər də  bahalaşma olmaz axı!  Lap  bu, ağ oldu ey!  Reallıq budur ki,  qiymətlər ceyran  belinə qalxıb. İndi də son vaxtlar digər tərəvəz məhsulları kimi , pomidorun da qiyməti ildırım  sürətilə  artır. Məsələn, bir həftə bundan əvvəl kiloqramı  1 manata olan pomidor indi  3 manatla 6 manat arasında satılır. Hətta bəzi bazarlarda  bu gün pomidorun  kiloqramı   10 manatdır.

Bir çoxları qiymət artımını məhsul  qıtlığı və  fasiləsiz  yağışların  yağması ilə əlaqələndirirlər.  Bu  fikirlər bir o qədər də inandırıcı  görünmür. Çünki süni qiymət artıb və monopoliya burada əsas rol oynayır. Ona görə də ilk növbədə süni qiymət artımının qarşısı alınmalıdir. Həmin vəzifəni isə İqdisadiyyat Nazirliyinin  Antiinhisar Departamenti icra etməlidir.  

Görünən odur ki,  məlum qurum mövcud nöqsanlara  göz yumur,  neqativ catışmazlıqları  aradan qaldırmağa cəhd eləmir.  Çox təəssüf!

Emil Faiqoğlu