22 May 2024 15:41
983
ELM VƏ TƏHSİL

Dövlət imtahanları ləğv edildi...    

 Artıq bütün ali məktəblərdə dövlət imtanları  ləğb edilib! Heç şübhəsiz bu, önca tələbələrin  ürəyincədir.

Çünki  4 il təhsil alan tələbələr sonda dövlət imtahanları verirdilər. Bu zaman  dövlət imtahanlarında uğur qazananlarla yanaşı,  " kəsilən" tələbələr də az olmurdu. Əlbəttə, dövlət imtahanlarına hazırlaşmaq, gərgin anlar hər bir tələbədən həyəcan, stress yaradırdı. Bütün bunlar isə onların psixologiyasına, həyat tərzinə mənfi təsir göstərirdi. Ona görə də tələbələrin bu gərginlikdə canları xilas oldu və onlar indi rahat nəfəs alırlar.

 Amma müəllimlərin isə rahatlığı əllərindən  alınıb. Bir vaxtlar onlar hamısı diaqnostik qiymətləndirmədən keçdilər. Yəni imtahan verib, lazımi qədər nəticə əldə elədilər.Bir balaca rahat nəfəs alırdılar, dedilər ki, yox ey , yemədən imtahan verib sertifikat almalısınız! Heç müəllimi də bu qədər incitmək olar?! Amma bizdə  müəllimi nəinki incidirlər, həm də əsəbləri ilə oynayırlar. İmtanlarda keçməyənlər ikinci dəfə imtahan olundular. Bu mərhələdən də keçməyən  müəllimlərlə əmək müqaviləsi ləğv olundu və nə qədər insan işsiz qaldı, evinə çörək apara bilmədi. Məgər bu, müəllimə qarşı ədalətsizlik deyil.

Hətta imtahan həyəcanından  neçə- neçə müəllim müxtəlif xəstəliklərə tutuldu! Bir sözlə, cəmiyyətdə müəllimi gözdən salmaq istəyirlər, amma hələ də xalqın və cəmiyyətin müəllimə böyük sevgisi var! Ona görə də bu , mənasız imtahanlar ləğv edilməli, müəllimlərin rahat yaşaması və işləməsi üçün onlara  normal şərait yaradılmalıdir! Axı, vallah, müəllimlərə bu qədər yormaq, yükləmək elə özü bir haqsızlıq və  ədalətsizlikdir!!!

Emil Faiqoğlu