İyulun 23- də Yeni Günəşli yaşayış sahəsinin " D" massivindəki  13 nömrəli binada  kanalizasiya xətti partlamışdı.

Ona görə də binanın həyətini və ətraf yerləri çirkab sular başmışdı. Hadisə ilə bağlı bina sakinləri " Azərsu" yun qəza xidmətinə  məlumat vermişdilər.Səhər saat 9- da  hadisə baş versə də , amma qəza xidmətinin əməkdaşları həmin yerə bir neçə saat sonra  gəlib çıxdılar.

Elə buna  görə də bina sakinləri çox narazılıq  edirdilər. Çirkab sular isə  daha da  artırdı . Axır ki, qəza xidmətinin əməkdaşları gəlib çıxdılar və kanalizasiyanın partlayan yerini təmir etməyə başladılar. Nə az, nə çox dörd- beş saata yaxın əlləşib- vuruşdular. Axır ki,  çətinliklə də olsa,  problemi həll edə bildilər və çirkab suların həyətə axmasının qarşısını aldılar.

Onlar  gec gəlsələr də öz üzərlərinə düşən  vəzifəni  yerinə yetirdilər! Binanın sədri Fərman Kazımov dedi ki,  qəza xidmətinin. əməkdaşları yaxşı işlədilər və baş vermiş qəzanı aradan qaldırdılar. Biz onların işindən  razıyıq!!!

Emil Faiqoğlu