Bakıda çoxlu sayda avtobus dayanacaqları var.

Onların əksəriyyəti Bakının küləyinə, yağışına, sərt havasına tab gətirmir! Üstəlik də sərt havalarda- yağışda, qarda, şaxtada sərnişinlər bu dayanacaqda olmazın əziyyəti ilə üzləşirlər. Hətta  leysan yağış yağanda  dyanacaların damından və yanında su sərnişinlərin üstünə tökülür. Təbii ki, bu dayanacaqlar  Bakının hava şəraitinə, iqliminə uyğun tikilməyib. Və hansı ki, bu dayanacaların inşası üçün dövlət yüz minlərlə manat pul xərcləyib! Belə bir durumda  isə bu dayanacaqlar  lazımı tələblərə cavab  vermir.

Amma son vaxtlar Bakıda Azərbaycan Yerüstü Nəqliyyat Agentliyi  daha müasir və yüksək tələblərə   cavab verən avtobus dayanacaqları tikib və tikir. Artıq paytaxtımızın bir çox yerlərində bu dayanacaqlardan inşa edilib!  Özü də həmin dayanacaqların  açılıb- bağlanan qapıları olmaqla yanaşı içəridə oturacaqlar və digər avadanlıqlar mövcuddur! Ən çətin hava şəraitinda burada sərnişinlər rahat dayana bilər və avtobus gözləmək imkanına malikdir! Belə dayanacaqlar metronun " Xalqlar dostluğu" stansiyasının yanında da  quraşdırılıb.

Və yavaş-yavaş Bakının ucqar məntəqələrinə doğru uzanır. Yaxşı olardı ki, belə dayanacaqlar Yeni Günəşlidə də tikiləydi, çünki bu yaşayış sahəsində daha güclü küləklər əsir və sərnişinlər yağış, qar yağanda  həddindən artıq əziyyət çəkirlər! Ümumiyyətlə, Yerüstü Nəqliyyat Agentliyinin bu işini  alqışlamaq və onları dəstəkləmək lazımdır!!!

Emil Faiqoğlu