Bu gün Bakıda elə marşrut var ki, orada avtobusları qapısı açıq sürürlər.

Belə marşrutlardan biri də 50 nömrəli  marşrutda işləyən avtobuslardır. Havaların isti keçdiyi  günlərdə də bu avtobusları sürücülər qapısı açıq sürürdülər. İndi havaların sərin keçməsinə baxmayaraq, yenə bu avtobusları bəzi sürücülər qapısı  açıq idarə edirlər. Sentyabrın 17- də səhər saatlarında o avtobuslardan mənzil başına getmək üçün  birinə mindik.

Bu dəfə də sürücü  avtobusu qapısı açıq idarə edirdi, üstəlik də nəqliyyat vasitəsini yüksək  sürətli idarə etməkdən çəkinmirdi. Sərnişinlər də narazılıqlarını bildirəndə sürücü soyuqqanlı halda  deyirdi ki, qorxmayın heç nə olmaz! Amma hər an açıq qapıdan kimsə, yıxıla bilərdi.Umumiyyətlə, 50 nömrəli marşrutda tez-tez belə özbaşınalıqlar baş verir.

Bəs bunun qarşısın kim almalıdır?

Emil Faiqoğlu