Mən istedadlı şagird, istedadlı tələbə görəndə çox sevinirəm.

Düşünürəm ki, bu uşaqlar vətənin ən qiymətli sərvətidir! Bundan gözəl nə ola bilər?!  Füzuli rayonunun Ehtiram Piriyev adına Böyük Bəhmənli tam orta məktəbində də belə istedadlı şagirdlər çoxdur. Belə ki, məktəbin onlarla məzunu ən yüksək nəticə qazanaraq müxtəlif ali məktəblərə qəbul olub. İndi isə  məktəbin şagirdləri  Fənn Olimpiadasında  böyük uğurlara imza ataraq yarımfinala yüksəliblər.  

Heç şübhəsiz, onların arasında finala çıxan və birinci yerə çıxanlar da olacaq. Əsas odur ki, Fənn Olimpiadasında iştirak edən şagirdlər elmin yollarında inamla addımlayırlar.  Əlbəttə, təhsildəki  uğurların əldə edilməsində  şagirdlərlə yanaşı, müəllimlərin əziyyəti böyükdür!  Məktəbin direktoru Solmaz Qənimətli gənc olmasına baxmayaraq, çox istedadlı, savadlı və yaradıcı  bir ziyalıdır.

O, az bir  zaman kəsiyində kollektivdə sağlam mühit yaradıb və yüksək nizam-intizam bərpa edib. Elə məktəbin də təhsildə uğurla bu dəyərlərlə bağlıdır! Daim yeniliyə can atan, ən müasir texnologiya və metodu məktəbə gətirən  məktəbin  uğurları bundan sonra da  bol olacaq!!!

Emil Faiqoğlu