... 44 günlük İkinci Qarabağ  savaşında  böyük qəhrəmanlıq və şücaət göstərmiş,  Füzulinin və Cəbrayıl rayonlarının azad edilməsində mərdliklə döyüşən tank komandiri, şəhid Elçin Tehran oğlu Süleymanov  barəsində çox unikal , qeyri-adı  sənədli film çəkilib.

Film belə adlanır:" Yolun düşsə, bu  dünyaya bir də gəl!.."   Film şəhid Elçin Süleymanovun  döyüş yoluna həsr edilib. Və bir- birindən maraqlı  epizodlar var! Filmdə Elçinin təhsil aldığı  Füzuli rayonunun Allahyar Əliyev adına 2 nömrəli tam  orta məktəbin direktoru Həsən  Rzayev, ibtidai sinif müəlliməsi, indi isə təqaüddə olan ( eləcə də mənə dərs demiş) Həqiqət Rzayeva, Azərbaycan dili və ədəbiyyat müəlliməsi  Zöhrə xanım, əmisi Hacı Təbriz, anası Xalidə, qardaşı Telman, bacısı Nübar, sinif yoldaşları və döyüş dostları xatirələrini  danışıblar.

Şəhidin anası Xalidə xanımın  Elçin haqqında  göz yaşları içində danışdığı xatirələr isə adamın ürəyini para - para edir. Şəhidin qızı balaca Xalidə isə  atasının üzünü görməsəm də  hələ də onu sağ bilir və hər gün Elçinin evdəki muzeyinə ayaq basanda atasının qoxusunu hiss edir!  Xalidə  sonda " Azərbaycan əsgəri" marşını ifa edir və bütün şəhidlərə  sanki yeni nəfəs verir.

Şəhid  Elçin Süleymanovun atası bu ayrılığa dözə bilmədi və ötən il fevralın 18- də oğluna qovuşdu. Hər ikisinin yeri Cənnət olsun və onların məzarından  bu gün Cənnət ətri gəlir! Və Qarabağın  hər dağında - daşında , hər gülündə - çiçəyində,  hər  yolunda- izində  onların səsi, nəfəsi,  ətri  hiss olunur. O şəhid ruhları həmişə bizimlədir! Bütün şəhidlərin ruhundan öpürəm!!!

Emil Faiqoğlu