Bizim ölkəmizə  qar o qədər də  çox yağmır. Amma yağanda da , istər- istəməz  müyyən fəsadlar qaçılmaz olur.

Bu mövcud problemlərin qarşısı  isə vaxtında alınmalıdır ki,  insan ölümü ilə nəticələnən yol-nəqliyyat hadisələri baş verməsin. Əlbəttə, bunun üçün yol polisi, sürücülər, hərəkət iştirakçıları bir- birini başa düşməli, anlamalı, bir sözlə,  qanunlara hörmətlə yanaşmalıdır. Qarlı havada bəzi qəzalar  avtomobillərin texniki cəhətdən nasazlığından baş verir. Çünki bəzi təcrübəsiz sürücülər maşınları qış mövsümünə uyğun hazrlamır, şinləri dəyişmir və digər texniki göstəricilərə  barmaqarası yanaşır.

Aydındır ki, bu da qəzalara münbit şərait yaradır. Xüsusilə də respublika əhəmiyyətli yollarda hərəkət edərkən bu şərtlərə əməl etmək daha vacibdir. Bu soyuq qıs günlərində necə- necə avtomobil nasaz olduğuna görə yollarda qalıb və həmin avtomobillər yol polisinin köməkliyi ilə yol hərəkət hissəsindən götürülüb.

Baş Dövlət Yol Polisi İdarəsinin avtotexniki  müfəttişlik  şöbəsinin rəisi, polis polkovniki  Xalid Əzimov bizimlə söhbətində bildirdi ki, nəqliyyat vasitələrinin texniki sazlığı qarlı havada daha böyük önəm kəsb edir. Çünki heç kimə sirr deyil ki, bəzi avtomobil sürücüləri  qış mövsümünə uyğun nəqliyyat vasitələrini  hazırlamır, üstəlik də şinlər yay  hava şəraitinində olur. Belə təkərlərlə onlar qarlı, sürüşkən yollarla hərəkət edərkən qəzalar qaçılmazdır.

Bununla yanaşı, avtomobilin intensiv hərəkət etdiyi yolda  bir nasaz avtomobili   sıradan çıxıb yolda qalırsa, digər avtomobillər üçün qəza şəraiti mövcud olur və hətta bu zaman zəncirvari qəzaların da olmaq ehtimalı var. Bax , buna görə də bir daha sürücülərə tövsiyə edirik ki, yollar buz bağlayanda  nasaz avtomobillərə  yola çıxmasın və digər nəqliyyat vasitələri üçün təhlükə yaratmasınlar!

Emil Faiqoğlu