Havaların soyuq keçdiyi günlərdə  bir çox insanlar mənzilləri yaxşı qızdırlmadığına görə, elektrik sobalarından istifadə edirlər.

Ən azından ona  üçün ki, " Azəristiliktəchizat" ASC evləri normal istiliklə təchiz etmir.  Ya da aşağı temperaturda istilik verir və nəticədə evlər qızmır. Hansı ki, indi məlum qurum mənzildə hər kvadrat metrə görə, 30 qəpik pul tələb edir. Təbii ki, belə durumda  mənzil sahibləri məcbur olub, elektrik sobalarından  istifadə edirlər.

Bu isə sonda    abonentlərin  həddindən artıq pul ödəməsilə  nəticələnir.Hələ biz elektrik şəbəkəsinin həddindən artıq yüklənməsini  və eləcə də  yanğın təhlükəsini  demirik. Çünki bəzən soyuq havalarda şəbəkənin normadan artıq yüklənməsi yanğınla sonlanır. Bu barədə  Fövqəladə Hallar Nazirliyi əhaliyə  çətin hava şəraitində davamlı olaraq  xəbərdarlıq edir və insanları maarifləndirir.

Buna əməl edən də var, əməl etməyən də! Amma görünən odur ki, fevralın 20- si və 21-də  işıqlar söndürülməyib! Belə çıxır ki, " Azərişıq" bu qarlı günlərdə öz üzərinə düşən vəzifənin  öhdəsindən layiqincə gəlir. Axıra qədər belə olsa, abonentlər də məlum qurumun işindən razı qalar.

Və bir də hər bir mənzil sahibi diqqətli olmalı, elektrik şəbəkəsini normadan artıq yükləməməli, yanğın təhlükəsi yaratmamalıdır. Allah eləməmiş, yanğın baş verərsə, 112 xidmətinə zəng vurmaq lazımdır!

Emil Faiqoğlu