Hər bir ölkənin iqtisadi siyasəti var. O,  siyasət bir qolu da bundan ibarətdir ki, daxili bazar qorunmalıdır.

Amma qorumayanda  bazarda yerli məhsullar az olur və qiymətlər kəllə- çarxa qalxır.Dəfələrlə İrana getmişlk.Orda gömrükdə elan vurulmuşdu ki, qənd, yağ, düyü, çay,  pendir aparmaq qadağandır. Amma buna baxmayaraq, bizim vətəndaşlar  aparılması qadağan edilmiş ərzaq məhsullarını gömrükdən keçirməyə cəhd edirdilər.İran gömrüyü isə Azərbaycan vətəndaşlarının   yükündə  buna aşkar edəndə onu alır, kənara qoyurdular. Həmin məhsullarından böyük bir təpə yaranırdı.

Ancaq gizlin  aparanlar da vardı. O da az miqdarda. Çox təəssüf ki, bizdə əlaqədar qurumlar daxili bazarı ya qorumaq istəmir, ya da qorumağı  bacarmır. Pomidorun, kartofun, almanın, xiyarın və digər meyvələrin qıt vaxtı həmin məhsullar Rusiya bazarlarına aparılır.

Əlaqədar qurumlar isə buna göz yumur.İndi də  mal və quzu əti lap bahalaşıb. Deyilənlərə  görə, bizim kəsilmiş quzuları Ərəb  ölkələrinə aparırlar. Çünki bizim quzular  çox dadlı olur. Ölkədə isə ət istehsalı günbəgün azalır. Əgər daxili bazar qorunmasa,  heyvandarlıq sahəsində  inkişaf olmasa və eləcə də  bəzi qabaqlayıçı tədbirlər  görülməsə, mal ətinin kiloqramı 20 mana, quzu əti isə 30 manat olacaq! Bəs onda görəsən , aidiyyatı qurumlar nəyi gözləyirlər? Niyə hərəkət etmirlər? Görünən odur ki,  daxili bazar yaxşı qorunmur, hər gün olmasa da, tez- tez kənd təsərrüfatı məhsullarının qiyməti bahalaşır!

Emil Faiqoğlu