Özəl televiziya kanallarında hər gün at oynadan  " manıs" lar ağızlarını açan kimi toydan danışırlar. Sanki toy onların  havası- suyudur. Elə belə baxanda toy onların həyatıdır.

Çünki onlar  hansı televiziya kanalında olurlarsa,  sənətdən yox, toydan danışırlar. Yazıqlar neyləsinlər, səsləri var ki, sənətdən söbhət açsınlar. Yagışdan sonrakı köbəlik kimi, onların sayı- hesabı yoxdur.Onları da   cəmiyyətə tanıtdıran  özəl televiziyalardır. Əgər sovet dönəmi olsaydı, indi at oynadan " manıs" ların doxsan  doqquz faizi  efirdə ola, bilməzdi.

Ümumiyyətlə, özəl televiziya kanalları mədəniyyətimizə, musiqimizə ermənilər  qədər ağır zərbə vurub.İndi efirlərdə  Rəşid Behbudov, İslam Rzayev, Şövkət Ələkbərova, Sara Qədimova, Tükəzban İsmayılova deyil, səsi və istedadı olmayan Şəbnəm Tovuzlu, Nəfəs, Vəfa Şərifova, Damla təbliğ olunur. Çünki bu toy müğənnilərinin  pulları var, amma sənətləri yoxdur.

Və Qəribəsi odur ki, bu toy müğənnilərı özləri o korifey sənətkarları tanımırlar. Hələ biz gənclərimizi demirik ha! Əksər gənclərimiz  o böyük sənətkarımızı  tanıya bilmir. Onları qınamalı deyil, çünki özəl televiziyalar bu dahiləri bir dəfə olsun belə yada salmır. Bax belə! " Manıs"lar bol olarsa, sənətkarlar yaddan çıxar!!!

Emil Faiqoğlu