ABŞ prezidenti Donald Tramp sələfi Co Baydenin dövründə avtomatik qələmlə  imzalanmış bütün sənədlərin etibarsız olduğunu elan edib.

Adalet.az xarici mediaya istinadla xəbər verir ki, bu sənədlərin qanunsuz imzalandığını iddia edən Tramp, Baydenə qarşı artan tənqidlər fonunda bu addımı atdığını bildirib. 

Tramp bildirib ki, Co Baydenin yuxulu şəkildə avtomatik qələmlə  imzaladığı sənədlərin təxminən 92 faizi hüquqi cəhətdən etibarsızdır və heç bir təsirə malik deyil. 

Trampın sözlərinə görə, insanlar bunu qanunsuz hesab edirlər. 
2011-ci ildə New York Times qəzetinin verdiyi məlumata görə, Barak Obama Avropa səfəri zamanı avtomatik imza qələmindən istifadə edərək qanunvericiliyi imzalayan ilk ABŞ prezidenti olub.

Vasif ƏLİHÜSEYN