“ABŞ elan olunan Milli Təhlükəsizlik  Strategiyası Rusiyanın siyasi  maraqlarına xidmət edir. Donald Tramp administrasiyasının hazırladığı bu Strategiya Avropa ilə siyasi-təhlükəsizlik və hərbi əlaqələri aşağı səviyyəyə salır. NATO genişləndirilməməsi qeyd edilir. Tramp administrasiyası Qərb Alyansının inkişafına zərbə vurur və parçalanmasını həyata keçirir”. 

Adalet.az xəbər verir ki, bunu politoloq Məhəmməd Əsədullazadə deyib. 

Onun sözlərinə görə, qəbul edilən strategiyada qeyd edilir ki, ABŞ-nin bütün dünya nizamını təkbaşına daşıdığı dövr artıq arxada qalıb: 

“Göründüyü kimi, ABŞ administrasiyası yeni dünya siyasi nizamında təkbaşına deyil, Rusiyaya da yer verməyi planlaşdırır. Bu, Cənubi Qafqaz və Mərkəzi Asiya ölkələrinin təhlükəsizliyini təhdid edir. Rusiya prezidenti Vladimir Putinin də əsas siyasi planı bundan ibarətdir. Tramp Ukrayna məsələsində Rusiyanın mövqeyini dəstəkləyir. Tramp və komandası  Zəngəzur dəhlizinə Rusiyanı dəvət edərsə, təəccüblü olmayacaq. Tramp xüsusi nümayəndəsi S.Uitkof kürəkəni C.Kuşner Rusiyanın əsas lobbiçiliyini həyata keçirir. Tramp və vitse-prezident Vens ABŞ  Rusiyanın qarşısından geri çəkir. Ukraynaya ciddi təzyiqlər edərək, ərazi güzəştinə məcbur edir. ABŞ prezidenti Putinin istəyi ilə Qərb Alyansını parçalayır. ABŞ Milli Təhlükəsizlik Strategiyasından aydın olur ki, indiki adminstrasiyaya üç il ərzində etibar etmək olmaz”.

Vasif ƏLİHÜSEYN